امتحان للحصول علي الجنسيه المصريه . اصعب امتحان حصل في تاريخ البنادمين..؟

صباح الفل حبايبي الأعزاء
يشترط لد*** الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صب***ً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)
السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- وهيلا هيلا ، هيلا هيلا هو ، الزمالك ........

7- دا شاب هيهي ، بيروح و ......

السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )

السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك

السؤال الخامس : علل
1- مازالت كرة القدم هي اللعبة الشعبية الاولى برغم ان احنا ملناش فيها
2- ذكاء الشعب المصري الخارق برغم من اعتماده على الفول كغذاء اساسي
3-وجود السحابة السوداء برغم ازالة جميع اكشاك البطاطا المتحركة

الاجابة

السؤال الاول :-

1- لبست ايشارب

2- خوفو

3- حلاق

4- صباح الخير يا ريس

5- جيبى

6- طبعا مش هيبقى جمال مبارك وهيبقى جمال مبارك

7- تاجر شكاير اسمنت فاضية

8- بالمعدية بتاعت الكوبرى

9- فؤش

السؤال التانى :-

1- السيارة ترجع الى الامام

2- زمنها هتموت

3- استيك منه فيه

4- بيأزز لب

5- الحج خميس

6- اتنفخوووووووووووووو

7- بيروح وييجى

السؤال التالت :-

1- ( صح )

2- ( غلط )

3- ( صح )

4- ( غلط )

5- ( غلط )

السؤال الرابع :-

1- متفرجتش عليه

السؤال الخامس :-

1- علشان محدش بيبقى فاهم حاجة فى البتنجان وهو بيتفرج

2- بسبب السوس الى بيبقى فى الفول والمسامير الى فى العيش

3- علشان الولا زيكا ابن ام سامية الى تحتينا بيولع كل يوم نار فى الغسيل

ههههههههههههه

صح يا ابو حسني هي ده الاجبات الصح

بس ده دليل علي غبائك و غباء المصرين

والله انتو نكته كبيره اوي ان كانت انت ولا ابو هشام

امتحان للحصول علي الجنسيه المصريه . اصعب امتحان حصل في تاريخ البنادمين..؟ 98562606kv21da5

الى بنى مصر كان
حلوانى

ماتصدقوش الى قال ان اللى بنى مصر كان فى الاصل
حلوانى
دة
كلام اغانى وقعده قهاوى
الى
بنى مصر كانوا حرفية وصنايعية من البلاد دية
يعنى
الخواجة زمان ايام الاحتلال لما كان يقول:
(حبيبى
عايزين نعمل هنا كوبرى ويقوم راسم لنا الوصف والشكل)
كان
المصرى يبنى ويشيد ويجعل من الرسم اجدعها كوبرى وجسر
ولا
الوالى لما كان يقول :
(اعمل
ولد هنا جنينة وقصر)
يجى
الخواجة برضة يرسم ويخطط لأجمل قصر
والصنايعى
المصرى يشيد ويبنى
ويعلى
ويخرط فى الحديد ويشكل ويبنى
علشان
يتولد على اييدة قصر أجمل من كل وصف
بس يا
خسارة
التاريخ
لما سجل وكتب وقال وعاد من البشوات والملوك كلام كتييييييييييييير
ونسى
ان الى بنى وشيد وعمر من العمال والصنايعية المصرين
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــ
لو
رجعنا لعصر ( الخديو اسماعيل )
الى
حكم مصر من( عام 1863 حتى عام 1879 )
قالوا
فى كتب التاريخ ان الباشا اسماعيل خلى البلاد المصرية ولا احسن دولة اوروبية
ردم
برك المية , عمل شوارع نظيفة بس اية الى هي..............
وشجرها
ونضفها زى شارع ( محمد على وشارع عابدين وشارع قصر النيل)
ومحدش
حكى ولا جاب سيرة ان الى شق الشوارع دية ومهدها للناس
هما
العمال المصريين
يعنى
عاوزين تفهمونى ان الخديوى ولا الوالى كان ممكن هو الى يبنى ويعمر
ويشتغل
طول الليل والنهار ويشيل طوب ومونة علشان يعملوا اجمل القصور

ياترى
برضة لسة فاكرين الى بنى مصر كان

فى الاصل حلوانى؟

طبعاً الكلام ده لا يمنع بأي شكل من الاشكال أن تكون مصر فعلاً حلوة وحلوة الحلوات كمان

وده يتنافى تماماً مع حديثك عن الفول وجمال مبارك

ويخلي في علاقة طردية في كلامك

بمعنى

ان لا يعقل أبداً أبداً أن يكون اولاد مصر الحلوة اللي غيروا ملامح التاريخ ابادو الهكسوس ودحروا التتار وقهروا اليهود وكانت الخلافة الاسلامية في بلادهم وسادوا العالم
على مر التاريخ بالعلم والمعرفة والقوة والحضارة

وعلموا الامم

أن تكون هذه الامة العظيمة وقعت تحت تأثير الفول المظلوم اللي بنرمي عليه كل اخفاقتنا في الحياة

ونعول على فشلنا بأن الفول سلبنا الذكاء

ولكن أن فرضنا أن الذكاء سلب من هذه الامة وهذه فرضية جدلية

هل يعقل بأي حال من الأحوال

أن يسلبنا الفول الارادة

فلا نستطيع ان نختار من يقود أمتنا

أبداً والله

الخير باقي في الامة والارادة والذكاء

وأن جاء جمال مبارك هذا لن يعيب الامة في شئ

بل هيكون نابع من أرادة الشعب

وأنا شخصياً برشح السيد جمال مبارك بقوة

تحياتي

» حصريا صور الاعيبه المصريه المحترفين
» حصريا أجمل (200) هدف فى تاريخ كرة القدم جودة عالية بحجم 400 ميجا على أكثر من سيرفر
» حصريا أكثر المواقف غرابة وصدمة فى تاريخ نهائيات كأس العالم فى 2 سى دى جودة عالية تحميل مباشر
» حصريا أكثر المواقف غرابة وصدمة فى تاريخ نهائيات كأس العالم فى 2 سى دى جودة عالية تحميل مباشر
» حصريا بمناسبة إقتراب كأس العالم (أفضل 50 هدف فى تاريخ كأس العالم) جودة عالية بحجم 34 ميجا على سيرفرات عديدة ومباشرة